காமெடியில் கலக்கிய நடிகைகள்
தமிழ் திரைப்படம் என்றாலே அன்று முதல் இன்று வரை நகைச்சுவைக்கு பஞ்சம் இருக்காது. அப்படி திரைப்படங்களில் எங்களுக்கும் காமெடி வரும் என நகைச்சுவையில் அசத்திய ஐந்து ஹீரோயின்களை பற்றி பார்க்கலாம்.
ஊர்வசி
ஹீரோயினாக நடித்து பிரபலமான ஊர்வசி, நகைச்சுவை உணர்வை கலந்து நடிப்பது தான் இவருடைய சிறப்பு. மைக்கேல் மதன காமராஜன், முந்தானை முடிச்சு உள்ளிட்ட பல திரைப்படங்களில் கலக்கியிருப்பார்.
கல்பனா
சின்னவீடு திரைப்படத்தின் மூலம் பிரபலமான இவர் பம்மல் கே சம்பந்தம் திரைப்படத்தில் நர்ஸ் கேரக்டரில் நடித்திருந்த காமெடி அலப்பறை நிச்சயம் ரசிகர்களால் மறக்கவே முடியாது.
ரேவதி
முன்னணி ஹீரோயினாக இருந்த ரேவதி உணர்வுபூர்வமான கேரக்டர்கள் மட்டுமில்லாமல் இவர் நகைச்சுவையிலும் பின்னிப் பெடல் எடுத்துள்ளார். அரங்கேற்ற வேளை, மகளிர் மட்டும் போன்ற திரைப்படங்களில் இவருடைய காமெடி ரசிகர்களை மிகவும் கவர்ந்தது.
சௌகார் ஜானகி
இவர் ரஜினியுடன் இணைந்து தில்லுமுல்லு திரைப்படத்தில் நடித்திருந்தார். முழுக்க முழுக்க காமெடியாக எடுக்கப்பட்ட அந்த திரைப்படத்தில் இவர் ஆள்மாறாட்டம் செய்து தேங்காய் சீனிவாசனையே அலற விடுவார்.
அம்பிகா
அம்பிகா ஒரு காலகட்டத்திற்கு பிறகு அம்மா கேரக்டர்களில் நடிக்க ஆரம்பித்தார். தற்போது சின்னத்திரை சீரியல்களில் நடித்து வரும் இவர் சில திரைப்படங்களில் காமெடியிலும் கலக்கி இருக்கிறார். அந்த வகையில் வடிவேலு, மணிவண்ணன் ஆகியோருடன் இணைந்து பல திரைப்படங்களில் இவர் காமெடியில் அசத்தியிருப்பார்.