நெருக்கமாக புகைப்படம்… காதலை உறுதி செய்த சித்தார்த்

காதலை உறுதி செய்த சித்தார்த்

நடிகை அதிதி ராவுடன் நெருக்கமாக இருக்கும் போட்டோவை சித்தார்த் ஷேர் செய்துள்ளார். இந்தப் புகைப்படம் வைரலாகி வருகின்றது.

தமிழ் சினிமாவில் பாய்ஸ் படத்தின் மூலம் அறிமுகமான நடிகர் சித்தார்த்திற்கு நல்ல வரவேற்பு கிடைத்தது. தொடர்ந்து அவர் நடித்த படங்களில் இவருக்கு போதிய வரவேற்பு கிடைக்கவில்லை. ஆனால் காவிய தலைவன் திரைப்படத்தின் மூலம் தன்னை ஒரு சிறந்த நடிகராக நிலைநிறுத்திக் கொண்டார்.

நடிகர் சித்தார்த், தமிழ், தெலுங்கில் உருவான மகா சமுத்திரம் படத்தில் அதிதி ராவ் ஹைதாரியும் இணைந்து நடித்திருந்தார். படப்பிடிப்பின் போதே, இருவரும் தனிமையில் பேசுவதும், ஜோடியாக வலம் வந்ததால், இருவரும் காதலித்து வந்ததாக பரபரப்பாக பேசப்பட்டது.

அது மட்டும் இல்லாமல், சென்னை நேரு ஸ்டேடியத்தில் நடைபெற்ற பொன்னியின் செல்வன் ஆடியோ வெளியீட்டு விழாவிற்கு இருவரும் ஒரே காரில் வந்து இறங்கினர். ஆனால், காதல் விவகாரம் குறித்து அதிதியும் சித்தார்த்தும் இதுவரை வெளிப்படையாக எதையும் தெரிவிக்காமல் மௌமாகவே உள்ளனர்.

இந்நிலையில், நடிகர் சித்தார்த் தனது இன்ஸ்டாகிராம் பக்கத்தில், அதிதி ராவுடன் நெருக்கமாக இருக்கும் புகைப்படத்தை பதிவிட்டு பிறந்த நாள் வாழ்த்து கூறியுள்ளார். அதுவும் சும்மா பிறந்த நாள் வாழ்த்து மட்டும் செல்லாமல் Happy Happy Birthday Princess of heart என்று குறிப்பிட்டுள்ளார்.

இந்த பதிவினை பார்த்த ரசிகர்கள், இருவரும் காதலிப்பது உண்மை தானா? என்றும் எப்போது திருமணம் என்றும் கேட்டு வருகின்றனர்.