பிரமாண்ட இயக்குனர் ஷங்கரின் இயக்கத்தில் உலகநாயகன் கமல்ஹாசன் நடிப்பில் உருவாகி வரும் ‘இந்தியன் 2’ படத்தின் அடுத்தக் கட்ட படப்பிடிப்பு தற்போது சென்னையில் நடைபெற்று வருகிறது.
இந்த நிலையில் படப்பிடிப்பில் கலந்து கொண்டுள்ள நடிகை காஜல் அகர்வால் ரிஸ்க் எடுத்து நடித்து வரும் வீடியோவை தனது இன்ஸ்டாகிராமில் பதிவு செய்துள்ளார்.
குதிரை மீது ஏறி சவாரி செய்யும் வீடியோவை பதிவு செய்துள்ள காஜல் அகர்வால் இது குறித்து கூறியிருப்பதாவது:
குழந்தை பிறந்த பிறகு பழைய நிலைக்கு மீண்டும் திரும்புவது கடினமாக உள்ளது. குறிப்பாக தற்காப்புக்கலை பயிற்சியின் போது தனது உடல் ஒத்துழைக்கவில்லை.
மேலும் பெண்கள் தங்கள் உடலை நினைத்து கவலை கொள்ளாமல் மீண்டெழ வேண்டும். நமது உடல்கள் மாறலாம் அல்லது மாறாமல் இருக்கலாம், ஆனால் நமது ஆர்வம் மாறக்கூடாது என்றும் அதற்கு நாம் முக்கியத்துவம் தர வேண்டும் என்றும் தெரிவித்துள்ளார். https://www.instagram.com/reel/CiwQmhYBe2p/?utm_source=ig_web_copy_link