தளபதி விஜய் நடித்து வரும் ‘லியோ’ படத்தின் ஒட்டுமொத்த படப்பிடிப்பை இந்த மாத இறுதிக்குள் முடிக்க படக்குழுவினர் திட்டமிட்டுள்ளதாக கூறப்படுகிறது.
இந்த நிலையில் ஜூன் 22ஆம் தேதி விஜய்யின் பிறந்தநாளை ஒட்டி அன்றைய தினம் கிளிம்ப்ஸ் வீடியோ வெளியாகும் என்று செய்தி வெளியானது.
இதனை அடுத்து அந்த வீடியோவுக்கு விஜய் ரசிகர்கள் ஆர்வத்துடன் எதிர்பார்த்து காத்திருக்கின்றனர். இந்நிலையில் தற்போது வெளிவந்துள்ள தகவல் படி ஒரு சிறு மாற்றம் ஏற்பட்டுள்ளதாக கூறப்படுகிறது.
அதாவது ஜூன் 22ஆம் தேதி விஜய்யின் பிறந்த நாளன்று கிளிம்ப்ஸ் வீடியோவுக்கு பதிலாக ஃபர்ஸ்ட் சிங்கிள் பாடலை வெளியிட படக்குழுவினர் திட்டமிட்டுள்ளதாக கூறப்படுகிறது.
சமீபத்தில் விஜய் பாடிய பாடல் ஒன்று ஒலிப்பதிவு செய்யப்பட்டதாக கூறப்படும் நிலையில் அந்த பாடல் தான் சிங்கிள் பாடல் ஜூன் 22ஆம் தேதி வெளியாகும் என்று எதிர்பார்க்கப்படுகிறது. மேலும் இதுகுறித்த அதிகாரபூர்வ அறிவிப்பு விரைவில் வெளியாகும் என தெரிகிறது.
விஜய், த்ரிஷா, சஞ்சய்தத், பிரியா ஆனந்த், சாண்டி மாஸ்டர், மிஷ்கின், மன்சூர் அலிகான், மேத்யூ தாமஸ், கௌதம் மேனன் மற்றும் ஆக்சன் கிங் அர்ஜுன் ஆகியோர் உள்பட பலர் ‘லியோ’ படத்தில் நடித்து வருகின்றனர்.
Follow @ Google News: செய்திகளை உடனுக்குடன் பெற கூகுள் செய்திகள் பக்கத்தில் சினிஅவனி இணையதளத்தை இங்கே கிளிக் செய்து ஃபாலோ செய்யுங்கள்.