செல்வராகவன் இயக்க தனுஷ் நடிப்பில் யுவன் சங்கர் ராஜா இசையில் உருவான ‘நானே வருவேன்’ திரைப்படத்தின் டீசர் சமீபத்தில் வெளியாகி நல்ல வரவேற்பை பெற்றது.
இந்த நிலையில் தயாரிப்பாளர் கலைப்புலி தாணு ’நானே வருவேன்’ திரைப்படம் செப்டம்பர் 29ஆம் தேதி ரிலீஸாகும் என அதிகாரபூர்வமாக அறிவித்துள்ளார்.
மேலும் இந்த படத்தின் ரிலீஸ் குறித்து போஸ்டரையும் அவர் வெளியிட்டுள்ள நிலையில் அந்த போஸ்டர் தற்போது வைரலாகி வருகிறது.
தனுஷ் இந்த படத்தில் அண்ணன் தம்பி என இரண்டு கேரக்டரில் நடித்துள்ளார். இருவருக்கும் இடையே நடக்கும் போராட்டம் தான் இந்த படத்தின் கதை.
இந்த நிலையில் ’பொன்னியின் செல்வன்’ திரைப்படம் வெளியாவதற்கு முந்தைய நாள் ’நானே வருவேன்’ திரைப்படம் வெளியாவதால் அடுத்தடுத்து சினிமா ரசிகர்களுக்கு இரண்டு சிறப்பான படங்களை பார்க்க வாய்ப்பு கிடைத்துள்ளது.
இந்த படத்தில் எல்லி அவ்ரம், இந்துஜா ரவிச்சந்திரன், யோகி பாபு உள்பட பலர் நடித்துள்ளனர். ஓம் பிரகாஷ் ஒளிப்பதிவில், பிரசன்னா படத்தொகுப்பில் உருவாகியுள்ளது.