நீண்ட நாட்களுக்கு பின்னர வந்த பிரபுதேவாவின் அதிரடி அறிவிப்பு!

பிரபுதேவா

நடன கலைஞராகவும், நடன இயக்குனராகவும் திகழும் பிரபு தேவா பல பிளாக்பஸ்டர் திரைப்படங்களை இயக்கியுள்ளார். பிரபு தேவா அவர்கள் தனக்கே உரித்தான பாணியில் ஸ்டைலாக நடித்தும் ரசிகர்களின் மனதை கவர்ந்தவர்.

அந்த வகையில் கடந்த 2022ம் ஆண்டில் இயக்குனர் ஹரிகுமார் இயக்கத்தில் அதிரடி ஆக்சன் திரைப்படமாக தேள், ஃபேண்டஸி காமெடி திரைப்படமாக மை டியர் பூதம் உள்ளிட்ட திரைப்படங்கள் பிரபு தேவா நடிப்பில் வெளிவந்து ரசிகர்களிடையே நல்ல வரவேற்பை பெற்றன.

தொடர்ந்து வெளிவந்த பொய்க்கால் குதிரை திரைப்படமும் ரசிகர்களின் கவனத்தை ஈர்த்தது. இதனைத் தொடர்ந்து இந்த 2023ம் ஆண்டும் பிரபு தேவா நடிப்பில் அடுத்தடுத்து அசத்தலான திரைப்படங்கள் வெளிவர தயாராகி வருகின்றன.

அந்த வகையில், அடுத்த அதிரடி ஆக்ஷன் படமாக அறிமுக இயக்குனர் சாம் ஜோடிக்ரூஸ் இயக்கத்தில் பிரபு தேவா நடித்துள்ள திரைப்படம் முஸாஸி.

அடுத்ததாக ஒலிம்பியா மூவிஸ் தயாரிப்பில் உருவாகும் ரேக்ளா திரைப்படத்தில் பிரபு தேவா நடித்து வருகிறார். இயக்குனர் அன்பு எழுதி இயக்கும் ரேக்ளா திரைப்படத்திற்கு ஜிப்ரான் இசையமைக்கிறார்.

கொரில்லா திரைப்படத்தின் இயக்குனர் டான் சாண்டி இயக்கத்தில் பிரபுதேவா நடித்துள்ள திரைப்படம் பிளாஷ் பேக். பிரபு தேவாவுடன் இணைந்து ரெஜினா கெஸ்ஸண்ட்ரா கதாநாயகியாக நடிக்க, S.யுவா ஒளிப்பதிவில், சான் லோகேஷ் படத்தொகுப்பு செய்ய, சாம்.சி.எஸ் இசையமைக்கிறார்.

இதனிடையே பிரபுதேவா நடிப்பில் மிரட்டலான சைக்கோ திரில்லர் திரைப்படமாக தயாராகி நீண்ட நாட்களாக ரிலீசாக காத்திருக்கும் திரைப்படம் பகீரா .இயக்குனர் ஆதிக் ரவிச்சந்திரன் இயக்கத்தில் தயாராகி இருக்கும் பஹீரா திரைப்படத்தை பரதன் பிக்சர்ஸ் நிறுவனம் தயாரித்துள்ளது.

தற்போது இயக்குனர் ஆதிக் ரவிச்சந்திரன் விஷால் மற்றும் SJ.சூர்யா இணைந்து நடிக்கும் மார்க் ஆண்டனி திரைப்படத்தை இயக்கி வருகிறார். கடந்த சில மாதங்களுக்கு முன்பே பஹீரா திரைப்படம் ரிலீஸ் ஆகும் என அறிவிக்கப்பட்டிருந்த நிலையில், ரிலீஸ் தேதி மாற்றம் செய்யப்பட்டது.

வித்தியாசமான பல மிரட்டலான கெட்டப்புகளில் பிரபுதேவா நடித்துள்ள பகீரா திரைப்படத்தில் அமைரா டஸ்டர், ரம்யா நம்பீசன், ஜனனி, சஞ்சிதா செட்டி, காயத்ரி சங்கர், சாக்ஷி அகர்வால், சோனியா அகர்வால், சாய்குமார், நாசர் மற்றும் பிரகதி உள்ளிட்ட பலர் நடித்துள்ளனர்.

செல்வகுமார் SK மற்றும் அபிநந்தன் ராமானுஜம் இணைந்து ஒளிப்பதிவு செய்ய ரூபன் படத்தொகுப்பு செய்ய, கணேசன்.S இசையமைத்துள்ளார். ஏற்கனவே பஹீரா திரைப்படத்தின் டீசர், டிரைலர் மற்றும் பாடல்கள் வெளிவந்து திரைப்படத்தின் மீதான எதிர்பார்ப்பை அதிகரித்தது.

இந்நிலையில் வருகிற மார்ச் 3ம் தேதி பிரபுதேவாவின் பஹீரா திரைப்படம் உலகெங்கும் திரையரங்குகளில் ரிலீஸ் ஆகும் என தற்போது அதிகாரப்பூர்வமாக அறிவிக்கப்பட்டுள்ளது.

Follow @ Google News: செய்திகளை உடனுக்குடன் பெற கூகுள் செய்திகள் பக்கத்தில் சினிஅவனி இணையதளத்தை இங்கே கிளிக் செய்து ஃபாலோ செய்யுங்கள்.