இந்த ஆண்டு தமிழ் சினிமாவில் முக்கியமான திரைப்படம் சிலம்பரசன் TR நடிப்பில் கடந்த மார்ச் 30 ம் தேதி வெளியான ‘பத்து தல’. இப்படத்தில் சிலம்பரசன் உடன் இணைந்து மிக முக்கியமான கதாபாத்திரத்தில் கௌதம் கார்த்திக் நடித்திருப்பார்.
படத்திற்கு ஏ ஆர் ரஹ்மான் இசையமைத்திருப்பார். அட்டகாசமான ஆக்ஷன் கதைகளத்தில் வெளியான இப்படம் மக்கள் மத்தியில் விமர்சன ரீதியாகவும் வசூல் ரீதியாகவும் வெற்றி பெற்றது.
சில்லுனு ஒரு காதல், நெடுஞ்சாலை திரைப்படத்திற்கு பிறகு இயக்குனர் ஒபெலி N kகிருஷ்ணாவுக்கு பத்து தல திரைப்படம் ஒரு வெற்றி படமாக அமைந்தது.
இந்நிலையில் குளோபல் ஒன் ஸ்டுடியோஸ் என்ற பிரபல தயாரிப்பு நிறுவனம் தயாரிக்கவுள்ள புதிய படத்தை இயக்க ஒபெலி கிருஷ்ணா ஒப்பந்தமாகியுள்ளார்.
இந்த அறிவிப்பினை பிரபல இசையமைப்பாளர் ஏ ஆர் ரஹ்மான் தனது ட்விட்டர் பக்கத்தில் வெளியிட்டு அவருக்கு வாழ்த்துகளை தெரிவித்துள்ளார்.
முன்னதாக இயக்குனர் ஒபெலி கிருஷ்ணா பத்து தல திரைப்படத்தின் அடுத்த பாகம் குறித்து பல இடங்களில் பேசியுள்ளார். அப்படம் மிக பெரிய அளவில் இருக்கும் என்றும் சில தகவல்களை பகிர்ந்துள்ளார்.
அதன்படி இயக்குனர் கிருஷ்ணா வின் அடுத்த படம் பத்து தல படத்தின் இரண்டாவது பாகமாக இருக்கலாம் என்றும் மீண்டும் சிம்பு, ஏ ஆர் ரஹ்மான் கூட்டணி அமையும் என்று ரசிகர்கள் பகிர்ந்து வருகின்றனர்.
Follow @ Google News: செய்திகளை உடனுக்குடன் பெற கூகுள் செய்திகள் பக்கத்தில் சினிஅவனி இணையதளத்தை இங்கே கிளிக் செய்து ஃபாலோ செய்யுங்கள்.