கேப்டன் விஜயகாந்த் குடும்பத்தாரை சந்தித்து நன்றி சொன்ன தளபதி !

தளபதியின் விஜய், விறுவிறுப்பாக தனது 68வது திரைப்பட பணிகளை கவனித்து வருகிறார்.

வெங்கட் பிரபு இயக்கத்தில் உருவாகி வரும் “தி கிரேட்டஸ்ட் ஆஃப் ஆல் டைம்” திரைப்படத்திலிருந்து ஏற்கனவே மூன்று சிங்கிள் பாடல்கள் வெளியாகி, வரவேற்பு பெற்று வரும் நிலையில் கடந்த ஆகஸ்ட் 17ம் தேதி கோட் திரைப்படத்தின் டிரைலர் வெளியானது.

இந்த கோட் திரைப்படத்தில் தளபதி விஜய் 3 வெவ்வேறு கதாபாத்திரங்களில் நடித்திருக்கிறார், பல முக்கிய நடிகர்கள் இந்த திரைப்படத்தில் பணியாற்றியிருக்கிறார்கள்.

கோட் படத்தின் இரண்டு முக்கியமான விஷயங்கள் என்றால், அது AI தொழில்நுட்பம் மூலம் இணைக்கப்பட்ட பவதாரணியின் குரலும், மறைந்த கேப்டன் விஜயகாந்தின் காட்சிகளும் தான்.

ஏற்கனவே நடிகர் விஜயகாந்தை AI தொழில்நுட்பம் மூலம் இந்த திரைப்படத்தில் இணைக்க அவரது குடும்பத்தாரிடம் அனுமதி பெறப்பட்டது குறிப்பிடத்தக்கது.

இந்நிலையில் அதற்கு நன்றி கூறும் வகையில், சென்னையில் உள்ள கேப்டன் விஜயகாந்தின் இல்லத்தில், அவரது மனைவி பிரேமலதா மற்றும் அவரது மகன்கள் சண்முக பாண்டியன் மற்றும் விஜய பிரபாகரனை சந்தித்து நன்றி கூறினார் தளபதி விஜய்.